De jeug nimp binne Vg. D'n Oeles ein belangriéke plaats in.

”Want wae de jeug haet, haet de toekoms!”

De Jeugkemmissie organiseert same met Oeles toekoms ein groët aantal aktiviteite.
Twië waeke vur de vastelaovend sjteit as iërste punt de Oeles’ Jeugmiddaag op ‘t program.

Op dae middaag wuërt op ein sjpetterende wiéze ’t Oeles Jeugtrio aan de Tegelse bevolking bekend gemak.
’t Sjprik vur zich, det dao-aan veuraaf al hiel get werk verzatte is um alles in gôjje bane te lei-je.


In 2003 is vur d’n iërste kiër ‘t Tegels liedjesmatinee vur blage gehaaje .
Det waas ein groët sukses en sjteit sinds det jaor op ’t program, zoë-as ouch de joeksige jeugmiddaag vur ’t Jeugtrio.

Vanaaf de Jeugmiddaag toet aan vastelaovesdinsdaag, d’n daag wao-op ’t Jeugtrio aaftraejt, bezuk ‘t Oeles Jeugtrio, ônger leiding van de Jeugkemmissie en met begeleiding van Oeles’ Toekoms, versjillende zittinge en vastelaovesbals van Tegelse vereiniginge.
Op vriédaagmorge vur vastelaovend bezuk ’t ganse Oelesgezelsjap, dus ouch ’t Jeugtrio met eur minidans-marietjes en Oelesdansgarde, alle basissjoële van Tegele. Oéteraard nimp ‘t Jeugtrio deil aan de groëten optoch door Tegele, de Ranjabal in Griekrestaurant Hestia , de kingeroptoch op Sjteyl en ut Maskerade veur op ut Smitse plein.

Paul Smeets  (veurzitter)

Bas Cornet  

Ruud Cremers

Rein van Erp  

Ed Faassen

Bart Holthuijsen 

Wendy Kiefte-Probst 

Laurien Kurstjens  

Elly Kurstjens  

Luuk Peters 

Bart Tummers

Vanuit Oeles Toekoms:

Jip Gerards