Gezamelikken oproop vastelaovesvereiniginge van Tegele, Sjteyl en de Hei:

SJTAEK DE VLAG OÉT !

De vastelaovesgezelsjappe van Tegele, Sjteyl en de Hei rope alle vastelaovesvierders op, um woensdig 11 november de vlag oét te sjtaeke op dezen ‘elfde van d’n elfde’.

Dezen oproop is 'n inisjatief van de Samewerkende Tegelse Vastelaovesvereiniginge (S.T.V.), 't samewerkingsverbangk det besjteit oét D'n Oeles, De Boereraod, De Kaetelaers en De Beerpiëp.

Zeej rope eur leeje en achterban op, um beej de sjtart van 't niej-je vastelaovesseizoén de vereinigingsvlag te laote wappere as teiken van verbondenheid en taeves um kleur te gaeve aan 't sjtraotbeeld op dezen iërsten daag van 't vastelaovesjaor.

Doel van de aksie-j is d'rveur te zorge, det de carnavalsvierders eur vastelaovesgeveul neet kwiét rake in deze "coronatiéd".

Wie de vastelaovend d’r ’t kômmend seizoén oét geit zeen, wet nag neemes. Toch haet beeldend kunstenaer Jos Cremers oét Tegele vur de kômmende vastelaovend d’n Opsjtaeker 2021 ôntworpe.

“Roy Peters, de vors van Vastelaovesgezelsjap d’n Oeles oét Tegele, haet mich gevraog of ich dae wôl ôntwerpe en dao-op bön ich hiel gruëts.”

Cremers mak dees broche oét naam van alle viéf de sjtadsdeilvereiniginge. “Idderein, groët of klein in de ganse gemeinte, druëg d’r immers toe beej, det de vastelaovend ein fiës wuërdt. Laot daorum dezen Opsjtaeker, vur idderein dae de vastelaovend ein werm hert toedruëg, einen echten opsjtaeker zien….. ouch al zal dit fiës in 2021 angers zien den in veurgaonde jaore”.  

“t Is ein hiele prestaasie-j, det we met zien alle d’n Opsjtaeker anno 2021 hebbe kunne realiseere. Ich maak immers noëit teikeninge van mien kreejasie-js. Ich heb ‘nnen hômp klei gepak en bön gaon boetseere. Oéteindelik môste we van ein dreej dimensjonaal beeld truuk nao ein twië dimensjonaal sjpeldje met get reliëf aksente. Volges mich is det hiel good gelök.” Cremers haet altiéd vastelaovend gevierd. “Vur mich sjteit det geliék met fiës op sjtraot, remmiedemmie en vuël humor. Det letste is ouch truuk te vinge in mien werk. De figure die ich maak, zien altiéd komies en kleurriék. Op d’n Opsjtaeker zien twië humoristiese muzikante te zeen met deksels en ‘n dieke trôm en viéf puuzelsjtökskes, die as konfetti op eur neerdale. Die puuzelsjtökskes zien de viéf sjtadsdeile van de gemeinte Venlo, die met vastelaovend inein passe, zoëdet d’r ein groët fiës ôntsjteit”, aldus de kunstenaer.

Zien motto luudt: same gaon weej ’t make, groët of klein, weej hebbe gein!

Opsjaeker 2021A

D’n Opsjtaeker is ’n saort broche die sjteit vur ’n dreejtal zake: einem bliék van waardering vur de vuële vreejwilligers die allerlei carnavalsaktiviteite organiseere in de sjtadsdeile Venlo, Bliërick, Tegele, Belfeld en Arcen & Velden; einem bliék van betrokkenheid met dae vastelaovend en eine finansjeelen opsjtaeker vur alle

...

Vastelaovesgezelsjap D’n Oeles geit d’r vur zörge det Tegele in 2021 toch eine vastelaoves optoch krieg. ‘t Wuërt aevel gennen tradiesjonelen optocht, maar ein miniatuurversie.


‘t Idee van de miniatuuroptocht is aafkomstig van ceremoniemeister Frank Rijvers. D'n Oeles sjtelt vanaaf 11 november (‘t begin van ‘t Vastelaoves-seizoen) kérkes met ein lengte van viërtig centimaeter besjikbaar, waorop deilnimmers eur idee vur d’n optoch in ‘t klein vorm kenne gaeve. “Veurdeil is det ze daorveur gen loods of optochhal nuëdig hebbe”, aldus Oelesveurzitter Cor Jansen. “De wage ken gewuën thoés waere gebouwd, binne de corona-richliéne.”


D’n optoch zal neet zoëas gebroekelijk door de Tegelse sjtraote trekke, aangezeen det neet meugelijk is waeges ‘t aafgekondigde evenementeverbod. Wie en wao de mini-praalwages waal te zeen zulle zien, is op dit moment nag neet duudelijk. Heejeuver wuërt naodrökkelijk naogedach waobeej ein online presentatie-j zeker toet de meugelikheeje behuërt.

Met dit alternatief haop D’n Oeles te bewerksjtellige det de optochdeilnimers auch in corona-tied ‘t ‘optochgeveul’ behaaje. Normaliter sjtarte vuël wagebouwers en angere groepe rongk dezen tiéd  met de veurbereidinge vur d’n Tegelsen optoch.

Vurrig jaor probeerde D’n Oeles de Tegelse jeug al te enthousjasmere vur d’n optoch door optochkérkes in broekliën te gaeve en filmpkes te plaatse oppe sosjale media van reporter Herm van ’t Sjerm. De aktie-j had succes en D’n Oeles haop daorum det ‘t idee van de miniatuuroptoch auch zal aansjlaon.

De miniatuuroptoch is neet allein bedoeld vur wagebouwers, benaodruk veurzitter Cor Jansen met klem. “We roope auch groepe en faatse die normaal zônger wage meidoon, op um ein sjoëne creatie te make en d’r zoëdoonde mei vur te zörge det d’r toch einen optoch kump.”

De optochtkérkes zien vanaaf 11 november besjikbaar. Belangsjtellende kenne zich via de site van D’n Oeles (www.oeles.nl) melde. Alle aanmeldinge kômme terech beej de optochcommissie-j. Net zoëas beej de

...

Nao riep beraod binne de versjillende geledinge van de gezamelijke Samenwerkende Tegelse Vastelaovesgezelsjappe (S.T.V.) hebbe de aafzongerlijke bestjteure van respectievelijk V.g. D’n Oeles, V.g. De Beerpiëp, V.V. De Boereraod en Vv. De Kaetelaers besjlaote um in 2021 gén hoëghede oét te rope. Waeges de ondudelijkheid rongkum Corona is deze knoup  nôw al doorgehak.

Alle veer de vereniginge gaeve vur ‘t neet oétrope van nieje Tegelse gangmaekers in 2021 de volgende verklaoring:

 “Het liek ôs gén good idee um eine Prins, Boerebroédspaar of Vors Lucifer oét te rope. Dit besjloét wuërt auch breid gedrage binne de versjillende vereniginge. Het belangriekste argument is dét weej te maken hebbe met vuël onzekerhede en det weej de Tegelse gangmaekers neet dét  kenne beeje wat weej normaal vur ouge hebbe. Wao meugelijk, mits netuurlijk toegesjtaon en binne de regels van de euverheid, wille weej waal dinke euver meugelijkhede um d’n Tegelse Vastelaovend in 2021 neet hielemaal geruisloos aan ôs veurbeej te laote gaon. Welke activiteite d’r in 2021 waal doorgang zulle kenne vinge en in welke vorm dit zal gebeure, is op dit moment nag neet te zegke. Heej zulle de vereniginge aafzonderlijk en auch gezamenlijk euver naodinke. Haopelijk ken d’r op korte termién miër helderheid gegaeven kenne waere.”

Aad Oelesprins Herm Hermans en aad raodslid, haet Ziene Majesteit de Keuning behaagd um Herm te beneume as lid in de orde van Oranje Nassau.

Herm Hermans sjting aan de basis van de Oeles jeugkemmissie die vanaaf 1988 is opgerich. Zien 1e jeugtrio haet Herm oetgekaoze  in 1990. Is van veurneump kemmissie jaore veurzitter gewaes en is vandaag de daag nag adviseur en kontakpersoen van de elders van de jeugtrios.

Vanaaf 1998 is Herm lid van de Oeles- senaat en iërelid van D'n Oeles.

Elly Kurstjens de partner van Herm is ouch beneump as lid in de orde van Oranje Nassau, net wiej Herm sjting ouch Elly in 1988 aan de basis van de toen opgerichte jeugkemmissie, Elly begeleid ouch al vuule jaore ut Oeles jeugtrio wat ut same met Herm deej. Daonaeve beej leet Elly alles vas op foto's en film van de jeugtrios en duit det nag steeds. Elly is ouch jaore lid van de ongersjeiding kemmissie gewaes.

terech det ozze Keuning dees 2 minse haet beneump as lid in de orde van Oranje Nassau. 

Ein waalgemeinde felisitasie names de ganse Oelesfemilie

Gebroékelik mak Vg. D’n Oeles de letsten daag van de akuweele vastelaovend de leidraod alveskes bekend vur ‘t kômmende seizoén.
Zoë dus ouch op dinsdaag 25 fibberwarie van dit jaor. Oelesvors Roy Peters onthulde ‘t Tegelse motto voor ‘t vastelaovesseizoen 2020-2021; genaamp “Opsjöppe kos niks”

 

Tegele Bedank 2020

ZJURIERAPPORT OPTOCH TEGELE 
Maondig 24 fibberwarie 2020
         
   nr.: gezelsjap/veursjtellend Punte:
    DEBUTANT:  
1e pries 29 VVG Baeter Kleppe Vandaag onger water, morgen eine kater 117
    JEUG GROEPE:  
2e pries 12 De Vastelaovessjpekkies Volgend jaor zien weej baeter 102
1e pries 23 Blaage Wie Laater Wie Zaater Vastelaovend, weej sjpeule 't sjpelke mei 104
    FAATSE:  
2e pries 35a VG de kruuk jeug Laot gaon dae wage 72
1e pries 10 Cas Kuntzelaers Groeët Tegels Hert 121
    PAARE:  
2e pries 34 Lies en Truu Wie aajer wie gekker 109
1e pries 8 Paul Dings en Jos Verbong Si….. Si….. 119
    KLEINE GROEPE:  
2e pries 25 Dich Wets Zelluf Wat bak-se mich nöw? 121
1e pries 20 Nag ech Tegels Wat mak-se mich now, gaef d'r maar unne dreij aan 121,5
    MIDDELGROËTE GROEPE:  
2e pries 30 Sokkerpaek dames en kinger Sokkerpaek 87,5
1e pries 32 C.V. get hei beejein nag altied knuffelbaar 106
    KLEINE WAGES:  
2e pries 28 VG Sjonge Jonge Wat mak-se mich now?, D'n Tegelse vastelaovend sjaakmat? Zonne goije grap hebbe weej nog noeits gehad. 126
1e pries 39 VG Beejeingesjoeid Magie löp oet de hangk 129
    GROËTE WAGES:  
3e pries 38 KV de Lapzjwens Wat mak-se mich now? Lapzjwens milieu verbaetering 112
2e pries 7 CC 't Holtsjtraotje Wat smakse mich now 119
1e pries 24 VK de Hanewurgers Gekker den dit cirkus makse neet meij 129
OELESTROFEE                                          BBB!!
         
Euver d’n oetsjlaag van d’n optoch ken neet waere gekorresjpondeerd!  
         
Met hertelikke vastelaovesgroete,    
Zjurie en optochkemmissie van VG D’n Oeles    
Vastelaovend SAME

1

Sjoëlbus

2

VG Weej gaon door

3

Collectewagen

4

Harmonie Sempre Avanti

5

Beerpiep Jeug

6

VG de Beerpiep

7

CC 't Holtsjtraotje

8

Paul Dings en Jos Verbong

9

V.V. de Boereraod van de hei

10

Faatse

11

Joekskapel Beejein veur de gein

12

De Vastelaovessjpekkies

13

JK de kaetelaers

14

De Kaetelaers

15

De Neetnekke

16

BBB

17

Joekskapel Petatte Nelke

18

VV De Boekaniers

19

VG de Gonzobar

20

Nag ech Tegels

21

Wie later wie zaater manne

22

Zonger os gen wie laater wie zaater

23

Blaage wie laater wie zaater

24

VK de Hanewurgers

25

Dicht Wets Zelluf

26

Drumbeatz

27

Wie vingk geej os…..

28

VG Sjonge Jonge

29

VVG Baeter Kleppe

30

Sokkerpaek dames en kinger

31

JK Sokkerpaek

32

De Wippers

33

C.V. get hei beejein

34

Lies en Truu

35

FC Oranje

35a   

V.G. de kruuk jeug

36

V.G. de Kater kump later

37

Jurgen Bessems

38

KV de Lapzjwens

39

VG Beejeingesjoeid

40

Oeleskapel Tegels Blood

42

Jeug prinsewage

43

Roadswage

44

Prinsewage

De Samewerkende Tegelse Vasteloavesgezelsjappe (STV) zulle veur ‘t derde jaor op riej gezamelik de Vastelaovend aafsjloéte.

Dit sjoëne iniesjatief krieg dus ein vervolg op Vastelaoves dinsdig 25 fibberwarie-j 2020.

Dit zal Vg. D’n Oeles doon, same met de zustervereiniginge De Boereraod, de Kaetelaers en de Beerpiép, door geliéktiedig de muts aaf te zette nao aafloup van de fakkeloptoch.

Deze, door de jeugkemmissiéj van D’n Oeles, georganiseerden optoch (sjtart 18.30 oor vanaaf kefee De Aaj Mert) in ’t centrum van Tegele löp vieja de volgende sjtraote:

St. Martinussjtraot, Hoëgsjtraot, Ingersjtraot, Groëtesjtraot en ’t Sjmidsplein.

Dao aangekômme zal door de jeug-gangmakers van Tegele ’t maskerade-veur waere aangesjtaoke.

Vervolges zal ’t programme vur ’t gezamelikke mutsaafzette sjtarte.

Nao de wäord van Oelesveurzitter Cor Janssen en Oeles-vors Roy Peters zal d’r ein vastelaovesgedich waere veurgedrage door de jeug-gangmakers.

Jeuprins Lars Broekmans zal op ’t Sjmidsplein 2 liedjes zinge en auch Oeleskapel Tegels Blood zal inkele nummers sjpeule.

Vervolges zien de STV-vereiniginge aan de beurt um gezamelik de muts aaf te zette. Aafsjloétend zal Oeles-vors Roy Peters ’t motto veur de Vastelaovend 2021 bekendmake.

De Tegelse bevolking is natuërlik van herte oétgenuëdig beej al dees dreej aktiviteite aanwezig te zien

Vervolges zal iddere vereinigng ömste beurt zienen eige waeg gaon um  vastelaovend 2020 in eige kringk aaf te sjloéte.

Veur Vg. D’n Oeles  beteikent dit det ’t gezelsjap nao ’t Zaelke vertrek en vanaaf 20.45 oor is idderein oét Tegele welkom um ’t aaftraeje van ’t Jeugtrio en ’t Groëte Trio beej te woëne.

Rôngk middernach is ’t offiesjiéle programma aafgeloupe en is d’n Tegelse vastelaovend auch éch gedaon veur D’n Oeles.

Op maondaag 24 fibberwarie 2020 sjteit éin van de huëgtepunte van d’n Tegelse Vastelaovend op ’t pergram namelijk de Tegelsen Oeles optoch. De sierlijke sjliert zal dén ’s middaags door de sjtraote van hertje Tegele trekke.

Net as de letste twië jaor zulle d’r boéte beej de tent van ’t Witte Hoés wir de nuëdige activiteite georganiseerd gaon waere. De optoch-kemmissie-j van D’n Oeles haop wir vuël deilnimers te verwelkômme in 2020. Vanaáf now ken me oppe  site van D’n Oeles (www.oeles.nl) miër informasie-j vinge met daorbeej auch ’t insjrief-formulier. ‘t Motto van 2020 is “Wat mak-se mich nôw?”. Dit motto kenne de deilnimmers wir gebroéke vur eur prachtige creaties. Heb geej nag  vraoge den kent geej kontak  opneme met de optoch-kemmissie-j van D’n Oeles via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..

Net as vurrig jaor organiseert Vg. D’n Oeles op Vastelaoveszaoterdaag in paviljoen “’t Witte Hóes” wir ‘nne femielie-jdaag ônger d’n titel “Sjpektakele”.

Op zaoterdaag 22 fibberwarie sjteit de 2e edisie-j heejvan op ’t programma. Vanaaf 15.30 oor wuërdt d’r non-sjtop gesjpektakeld en d’r heuf gaar gennen entree-j betaald te waere. Aa-jerwets gezellig met ’t ganse gezin (jôngk en aad) Vastelaovend viere?

As ge dees vraog met “jao” kent beantwaorde, den is dit Sjpektakel-evenement éch get vur uch!!! In ’t fiëspaviljoen zien d’r, begeleid door gôjje en toepasselikke muziek, ouch diverse aktiviteite vur de jeug gepland.

De organisaasie-j zorg vur ein sjoën affiesje. Tig Limburgse artieste reize aaf nao ôs Oelesriék. Dj. Brian vormp de roëj-jen draod door de middaag en d’n aovend. Trio De Janeiro, Men In Pek en Coen Janssen laote de bezeukers keihel geniete van eur optraej-jes.

De Wiërter bènd Moerepetazie zet ’t paviljoen kompleet op de kop. Verder zien Kelly & Lotte, de Twië Gewaejde en Scheuriézer van de partie-j.  Vanoét ôs buurgemeinte Kaakerke kump de Grosse Tanzgarde euren dans presenteere.

Al met al miër den genôg ingrediënte um van dit gratis evenement ’n richtig sjpektakelsjtök te make.

poster sjpektakele web

Lars Broekman vormp same met zien Adjudante Cas Engelen en Job Hendriks ‘t 31e jeugtrio van Vg. D’n Oeles in Tegele.  Zeej zien zôndigmiddiog 9 fibberwarie door Oelesvors Roy Peters oétgeroope in de konsertzaal van C.c. De Haandert.

Jeugtrio 2020 web2

Prins Lars I is gennen ônbekende. De 12-jaorige ken hiel good zinge en traejt zoëdoonde geregeld op in de regio. Vurrig jaor nag noom Lars deil aan ’t Liedjesmatinee vur Blage en kwaam-e zelfs op de landelikke t.v. beej The Voice Kids. Naeve zinge zien tennisse beej de Sjnelle Sjprong, geeme en gitaar sjpeule hobby’s van de jeugprins. Lars zit in groep 8 van de St. Jozefsjoël. Same met pap Mark, mam Veron en zuske Femke woënt de Hoëgheid aan de Sjpaorsjtraot, hertje Tegele.

Adjudant Cas (met 11 jaor d’m benjamin van ’t jolige sjtel) woënt same met broor Sjors, vader Marcel en mooder Karin op Steyl aan de Waterloosjtraot en zit dao in groep 8 van De Schalm. Pap Marcel is gennen ônbekende binne D’n Oeles. Hae is al jaore lid van de Raod van Elf en waas in 2013 Adjudant beej Prins Maurice II Houba jr. Groëte broor Sjors waas in ’t prille verlee-je Jeugprins van de Beerpiép. Opa Henk en oma Toos van Gerven-Hendrix ware in 1986 ’t Boerebroédspaar van de Heierse Boereraod. Hobby’s van Cas zien voetballe beej Sjportclub Irene (JO13-5), drumme, sjpeule met kammeräödjes en geeme.

Adjudant Job is net as de Hoëgheid 12 jaor. Nao sjoël geit-e op Openbare Jenaplan-Basissjoël ’t Maasveld in groep 8. Job woënt same met zuske Bibi (sinds kort aktief beej de Mini’s van ’t Oelesgezelsjap), pap Bart en mam Saskia aan de Groëtesjtraot. As hobby haet Job de judosjport en dao-in haet-e inmiddels de greunem bangk. De elders van Job zien ouch echte Vastelaoves-vierders. Zeej ware in 2016 immers ’t Boerebroédpaar van zustervereiniging De Boereraod.

’t Trio kent mekaar van VC. “ Zaat op ’t Ei”; ein Tegelse vrundegroep waovan alle dreej de elderpaare plus blage lid zien. Deze groep viert hiel gae vastelaovend en as zo”edoonde is dit Jeugtrio al van kleins aaf

...

Met zienen iërste Prins haet niejbakke Oelesvors Roy Peters vur ein verrassend Trio gekaoze. Ein verrassende keus in de zin van jôngk, jeugdig en daobeej eine neet gevestigde prinsenaam in ’t Tegels geruchte-sirkwie.

Aafgeloupe zaoterdigaovend 8 fibberwarie presenteerde de Oelesvors ’t Oeles-Trio 2020 in CC De Haandert tiédens ’t prinsebal. Prins RUBEN I (Linssen) geit de kômmende Vastelaovend same met zien Adjudante FLORIAN Faassen en THOMAS Vossen veurop in de plaatselikke vastelaovend.

Trio 2020

’t Niej-je Trio kump veur toét de Tegelse Hockey Club (THC). Alle dreej zien ze immers aktief lid en neme zelfs gezamelik zitting in ’t besjteur. Zoë is Adjudant Thomas de veurzitter van de vereiniging en is de Hoëgheid verantwaordelik vur ‘t cluster sjponsoring. Adjudant Florian leidt op zien beurt ’t cluster vasgood & beheer.

THC sjteit aan de veuraovend van ’n fusie met de hockeyklöps van Venlo en Bliërick toet Hockeyklöp Delta-Venlo. Drökke tie-je dus vur dit dreejtal en dao kump dus dees oétverkeezing nag ens baovenop. In ’t letste jaor van de zelfsjtandige vereiniging dus ein sjoën visitekaertje um de kleure greun en wit sjtolz te tuëne tiédens de Tegelse Vastelaovend.

Prins Ruben I (38) Linssen is gebaore op Sjteyl en woënt wir sinds 2012 in ’t elderlik hoés. Hae woënt same met zien vrouw Miek en de dreej kinger Mats (9), Linde (7) en Lasse van 3 jaor. In ’t dageliks laeve is Ruben werkzaam beej Hauzer Techno Coating in Venlo en is dao inmiddels al ruúm dreej jaor verantwaordelik vur de inkoup en logistiek.

Prins 2020

Adjudant Florian (34) Faassen is opgegreu-jd en getaoge ônger de sjaaduw van Sjatoo De Hoiltmühle in ôs sjoëne woënplaats. ’t Viere van de Vastelaovend haet-e sjpraekwaordelik met de paplaepel ingegaote gekreege. Neet gek, aangezeen vader Bart maar leefs 33 jaor prominent lid waas van de Oeles’ Raod van Elf en in 2000 de plaatselikke Vastelaovend veur moch gaon as Prins Bart I. Florian werk, net als pap Bart (al elf jaor same op éin kentoër) en broor Rowan beej ’t

...

Aad Oelesprins Hans Allers euverleeje.

Ôs bereikte ‘t trieste berich, dét op 20 december op 67e jeurige laeftiëd aad Oelesprins Hans Allers is euverleej-je.
Ofsjoën Hans al jaore sukkelde met zién gezôngkheid kwaam zién haergaon toch vreej ônverwachs.
Hans Allers waas in 1980 prins van D’n Oeles. Same met zien adjudante Har Feyen en Ben Aldewereld ging hao ônger eur môtto "Gaot ugge gangk," met gaas op de plank” d’n Tegelse Vastelaovend veur in det jaor.
Hans waas vanaaf 1980 gewaardeerd lid van de Sociëteit Oeles Prinse (SOP)

Weej winse de femilie-j en bekende hiélvuël sjterkte toe met dit groëte verlees.

Sociëteit Oeles Prinse (SOP)
Vereinigde Oeles Adjudante (VOA)
Vastelaovesgezelsjap D'n Oeles.