Aafgeloupe zaoterdig 31 juli is aad regisseur Pierre Driessen euverleeje.

Pierre haet aan de weeg gesjtaon van 11 bizônger suuksesvolle Oelesrevues.

Vanaaf 1978 toet 1990 waas hae de regisseur van de jaorliks truukkiërende revues, die in de ganse provincie enorm vuël suukses oogstten.

Daonaeve haet Pierre Driessen van d’n destiédse Oeles’ Groétvors Piet Janssen vur zien verdeenste ‘t Gôld Oeleskruuts ôntvange.

D'n Oeles is Pierre hiel erkentelik en dankbaar vur detgene wat-e vur Tegele en D'n Oeles in ‘t bizônger haet beteikend.

 

Weej winse zien femilie-j hiel vuël sjterkte toe met dit groëte verlees.

Bestjeur en leeje van

Vastelaovesgezelsjap D'n Oeles.

‘t Veurjaor is in aantoch. Heej huëre toch aerbaeze beej?
Wilt ge mooder in ‘t zunke zette op Mooderdaag? Verras eur met aerbaeze!
Gaer wille weej uch dit jaor wir de heerlijke aerbaeze van Dings oét Belvend aanbeeje. Doamei sjteunt geej ôs dansgroepe.
Geej kent uch besjtelling doorgaeve via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. toet uuterlijk donderdag 6 mei.
De aerbaeze koste € 3,50 per bekske van 500 gram. Contante betaling of ein tikkie beej aaflevering/afhaoling.
Besjtellinge van 5 bekskes of miër waere op verzeuk thoés bezörg.
Besjtellinge kenne aafgehaold waere op vriedig 7 mei tösse 16.00-20.00 oor. Lokasie: Kenzensjtraot 4 op Sjteyl
Alves bedank namens de dansgroepe.

Theo Hagens, aad-penningmeister en iërebesjteurslid van D’n Oeles, is maondaag beneump toet Lid in de Orde van Oranje Nassau.

Theo Hagens 01

Sinds 1981 is Theo binne ôs Gezelsjap aktief as vreejwilliger. Hae makde viërtiën jaor deil oét van ’t dageliks besjteur in de funksie-j van penningmeister. In diezelfde periode waas-e seremoniemeister en lid van de Raod van Elf. Theo waas ouch nege jaor langk veurzitter van de Prinsekemmissie-j. Vur zien vuële verdeenste t.b.v. D’n Oeles is-e beneump toet Iërelid en daonao toet Iëre Besjteurslid. Vanaaf 2011 mak-e taeves deil oét van de Oelessenaat. Naeve D’n Oeles is-e penningmeister beej Sjtichting “Tegele Laef” en Sjtichting Limburgs Sjötterie-j Museum op Sjteyl.

 

Daonaeve ôntvinge dreej aad-Oelesprinse ein keuniklikke ôngersjei-jing. Paul Lücker, prins in 1988, waas ein van de driévende krachte achter de Prélude, ’t Vastelaoveskonsert det D’n Oeles jaore op rie-j organiseerde met harmonie Sempre Avanti, waovan Paul taeves vice-veurzitter waas.

1988

 

Gerard Kempen zjwei-jde in 1995 de skepter euver ’t Oelesriék en hae is ouch veurzitter van de Garde Tegeliers. Paul en Gerard zien allebei beneump toet Lid in de Orde van Oranje Nassau.

1995

 

Henk Vossen, prins in 1990, is vanwaege ônger miër zienen inzet vur de Tegelse ôngernemers, ’t Limburgs Sjötterie-j Museum en de OLS-sjöttersfederaasie-j beneump toet Ridder in de Orde van Oranje Nassau.  Alle dreej zien zeej ouch vur en binne D’n Oeles op versjillende fr0nte bizônger aktief gewaes, ónger mier op ’t vlak van sjponsoring.

1990

Tessy Dahmen, een prachtig mins met ’n gôlde hert, is ôs vul te vruug ôntvalle.

Wat hebbe we dök genaote van zien geweldige muzikale optraej-jes met zangkwartet “Döbbel Hae, Döbbel Het” tiédens de vuële Oeles’ Prinsebals, Liedjes matinees en zittinge in Tegele en wiéd daoboéte.

Altiéd met schwung en enthousiasme. Hét waas in de weeg gelag um minse te amuseere. Gasvreejheid en gezelligheid sjtônge beej Tessy den ouch hoëg in ’t vaandel.

Jaorelangk waas het, same met Lucas, ôngerdeil van de Prinsekemmissie-j. Hiel vuël Prinselikke Trio’s hebbe in daen tiéd kenne geniete van sjoëne aovende met ’n heerlik door úm verzorg natje en droogje.

ALTIÉD EIN WERM BAD!!

Sinds ingkele jaore zien de Raod van Elf en alle kemmissie-jveurzitters met partners welkom tiédens de iërste tradisjoneele vergadering van ’t niej-je seizoén in de vorm van ‘nne barbecue. De deur sjteit den wagewiéd aope.

’t Intern veursjtelle van ’t niej-je prinselikke trio aan de Raod van Elf, senaatsleeje, kemmissie-j veurzitters en de SOP- en VOA besjteure, vuraafgaonde aan ’t prinsebal, waas de letste jaore sjteevas beej Tessy en Lucas thoés. Waal 80 genuëdigde euver de vloer en altiéd fiës. Niks waas te gek en altiéd eine gulle en tevraej-je lach op Tessy’s gezich.

Hiel typerend in de vreejgaevigheid van dees werme persuënlikheid, waas zônger miër ’t ter besjikking sjtelle van eure sjilderechtigen haof in 2017 aan boezemkammeraod en Oelesprins van det jaor, Prins Roy-1 met zien Adjudante. Ein richtig fiëspaviljoen woort d’r geplaats en twië waeke lang woorte d’r tig feesjes gevierd met ‘nne hielen houp van ôs.

Tessy regelde jaorelangk ’t sikkertariaat vur de kemmissie-j bals & zittinge op professjonele en keurige meneer. Gen notule ônvolledig en gennen arties of kontrak te laat. Euveral en altiéd sjtông ’t klaorvur idderein.

Werme herinneringe zien d’r aan de vuële kôntakte met de dames van de Raod van Elf en de Senaat. Hiel vuël sjoëne en hertelikke momente zulle ôs allemaol beej bliéve.

Tessy had de

...

Priéswinnaars Minatuuroptoch:

1e priés jeug:

Nummer 7 Vince Vesseur (KV de Lapzjwens)

Miniatuuroptoch 01

1e priés miniatuurwages:

Nummer 31 Rob Broekman (Sjpaarkas Dow kens ’t zoe gek neet bedinke)

Miniatuuroptoch 02

 

Originaliteitspriés:

Nummer 23 Jos Verbong

Miniatuuroptoch 03

 

Alle deilnimmers hebbe un blievend aandingke gekraege gemak door Geert Bongaerts.

Miniatuuroptoch 04

 

Klik heej vur foto's van de sfeerimpressie van ut ophaole van de kerkes.

Um eur  ein hert onger de reem te sjtaeke in deze moeilikken tiéd, haet beeldend kunstenaer Jos Cremers oét Belvend op de letsten daág van vastelaovend aan 't zörgpersoniël van VieCuri einen 'Opsjtaeker' aangebaoje. Hae deej det mei-j names 't Tegelse Vastelaovesgezelsjap D'n Oeles.

VieCurie 03

Jos Cremers, gebaore en getaoge in Tegele, moch de vastelaovessjpeld van 't sezoen 2020-2021 names de viéf Venlose sjtadsdeilvereiniginge ontwerpe, op veursjpraok van D'n Oeles. Vurrige waek ontvinge premier Mark Rutte en minister Hugo de Jonge auch al ein sjpeldje van öm. In beide gevalle waas de geste volges Cremers bedoeld as eine morelen opsjtaeker en einem  bliék van waardering vur de geleverden inzet in de sjtriéd taengen 't coronavirus. Det wuerd auch nag ens óngersjtreep door Oelesvors Roy Peters, dae zien bewongering oétsjprook vur alle mei-jwerkers van 't  ziekenhoés. Jos Cremers veugde d'r nag eine persuënlikke noët aan toe: "Ich heb in miene vrindekrink van naobeej meigemak wat corona ken aanrichte, 't is ontzettend zjwaor", zag hae zichbaar geëmosjoneerd.

VieCurie 04

 

Beelde van de oétreiking waere gebroék vur de documentaire 'Het Verdriet van Carnaval', die volgend jaor wuërt oétgezonde door L1, Ömroop Brabant, Ömroop Gelderland en Ömroop Max. Filmmaker Frank van Osch en fotograaf Jan Banning ginge op zeuk nao de zeel van vastelaovend/ carnaval in Den Bosch, Groenlo en Tegele. 't Oétreike van 't sjpeldje aan ziekenhoésmei-jwerkers waas vur eur út moment wao-op vastelaovend en 't coronavirus samekómme. De sjpeldjes woorte in ontvangs genaome door verpleegkundige van de IC en de COVID-verpleegaafdeiling: Katja (IC) en de teamleiders Luuk (longaafdeiling) en Bart (interne genaeskunde).

VieCurie 02

  • 1. Vreejwillige Politie Venlo-Beesel
    2. Sjötteriëj
    3. Fem. Van den Heuvel
    4. VV De Kaetelaers
    5. Pleun Beurskens
    6. De Wippers
    7. KV De Lapzjwens Jeugd
    8. Lei en Stijn
    9. Ton Dings
    10. Nol van den Houtklotsekerver
    11. Schreurs Toekomst
    12. Dich Weis Zelluf
    13. Joekskapel Petatte Nelke
    14. VG De Gonzobar
    15. Pierre Vullings
    16. VG De Beerpiëp Jeug
    17. VG De Beerpiëp
    18. Versier ’t mit ein Vaer
    19. De Zaate Eikes
    20. Thoesnar Jakker 1
    21. Marie-Jeanne Thijssen
    22. VV De NeetnekkE
    23. Doën Beejein / Jos Verbong
    24. Harmonie Sempre Avanti
    25. Fem. Raijer
    26. De Zoezers
    27. VV De Boereraod
    28 +28a +28b Thoesnar Franca 1
    29. Miriam, Darek en José
    30. Gé en Ineke Deenen
    31. Sjpaarkas “Dow kens ’t zoë gek neet bedingke”.
    32. De Pesjtungskes
    33. De Steijler Wollekskes
    34. Jos Cremers
    35. VG Sjonge Jonge
    36. VG Beejeingesjoeid
    37. Nag Ech Tegels
    38. Thoesnar Willy 1
    39. VK De Hanewurgers
    40. Paul Dings
    41. KV De Lapzjwens
    42. Eksplosion ‘71
    43. Ruth Schouwenberg-Dings
    44. JK Sôkkerpáek
    45. VG De Thoèsblievers
    46. VV Ba-Er
    47. CC ’t Holtsjtraötje
    48. CC ’t Holtsjtraötje
    50. Oeles Toekomst Jeugprinsewaage
    51. VG D’n Oeles Raodswaage
    52. VG D’n Oeles Prinsewaage

Ondanks det de Vastelaovend neet groëts geveerd wuërt, zal de Miniatuuroptoch van D’n Oeles neet geruisloos vurbeej trekke.

Op maondig 15 fibberwarie zal vanaaf 14.11 oor de bonkten optoch te zeen zien oppe website, de Facebook-pagina en de YouTube-pagina van D’n Oeles. D'r besteit ein groëte kans det Umroop Venlo ‘s aoves auch aandach besjtaejd aan de Miniatuuroptoch tiejes de niejs oétzending. Einen daag later zal in Dagblad De Limburger ein reportage te laeze zien euver de virtuelen optoch en later oppe middig vanaaf 16.25 oor zal auch L1 sjtil staon beej dit ludieke evenement.

Miniatuuroptoch

Op zôndig 7 fibberwarie 2021 is ôzzen Ton vredig ingesjlaope. Nao ein kortsjtondige

ziekte haet hae zich toch maar neergelag beej ‘t ônvermijdelikke en is hae op waeg

gegaon nao zien Bea.

Ton, miër den fieftig jaor lid van Vastelaovesgezelsjap D’n Oeles. In 1972 woort hae

door d’n toenmalige Vors Wiel Poeth gevraog um as “Heierse” d’n Oeles in Tegele

te kômme versterke en woort hae lid van de Raod van Ellef.

Ton waas in daen tiéd einen echtem bekker, dus det beteikende vur um nag al get.

De winkel waas aope van ‘sjmaondigs toet en met zaoterdig (met oétzôngering van

de woensdig). Ton meus hêl werke! ‘s Jnachs vanaf ‘n oor of twié/dreej  wies sjmiddigs,

En nao zien bekkerie-j werk brach hae ouch nag minnige mik rôngk.  Det waas in daen tiéd.

En dus kwaam ‘t waal êns veur, det Ton tiédens de maondigaovendvergadering

in sjlaop veel. Vural as d’r ein drök wiekendprogramma van d’n Oeles aan vuraaf waas

gegaon.

 

Maar as ‘t nuëdig waas, en d’r meus gewerk waere, den waas Ton d’r. Ton waas eine

man van wienig wäörd, maar as de heng oétgesjtaoke meuste waere, den waas-e topfit.

Auch aan d’n tap. Miër as 50 jaor waas hae lid van ôs gezelsjap. En in daen tiéd waas

hae lid van hiel vuël kemmissies. Van technische kemmissie toet de kulinaire!

Gênne man um veurop te loupe, besjeide achteraan en meistal as iërste aan ‘t buffet.

Want plezeer make det kôs hae.  Getuuge de diverse nachtelikke dineetjes beej de

Raod van Ellefleeje thóes nao Prinse- of gehuwde-bal beej Lücker of de Hermeniezaal.

Minnigem bief haet hae dao gebraoj-je (in daen tiéd ware d’r nag “gen kanaries um te braoj-je!”)

 

Jaomer det Corona d’r tösse is gekômme. Want nao zienen aktieven tiéd beej d’n Oeles, waas

hae ein van de mede-oprichters van de Oeles-Senaat.  Aafgeloupe jannewarie zoel hae

gehuldig zien gewaore vur zien 22-jaorig lidmaatsjap van de Senaat. Jaomer, maar det

ging nôw einmaol neet.

 

Weej hebbe Ton los môtte laote. Hiel sjpiétig, want hae waas ‘nne karakteristieke mins,

met vuël humor en laevesplezeer,

...

Vastelaovesgezelsjap D’n Oeles oét Tegele guëf dit jaor ein speciale hoés-aan-hoés krant vur de vastelaovend oét.

’t Oeles Journaal velt in ‘t weekend van 30 en 31 jannewarie in gans Tegele en Sjteyl gratis in de bös en kump in de plaats van ‘t Vastelaoves Journaal en de Oeleskrant, die normaal rongk dezen tiéd versjiene. D’n Oeles geit in dees spesjale oétgave in op de vastelaovessactualiteit van 2021. Zoë is er aandach vur de toekoms van de Hermoniezaal, ‘t einde van vastelaovespaviljoen ’t Witte Hoés, de niejje Sociëteit Flappinus en ‘t niej ambachtelijk gebrouwe Oelesbeer. Verder ein intervjoew met kunstenaer Jos Cremers, ontwerper van D’n Opstaeker 2021, en einen oétgebreide veuroétblik op de Tegelse miniatuuroptoch, waobeej de laezer euver de sjouwers van inkele deilnimmers meug meikiéke nao de veurbereidinge. Toet sjlot gaeve de veurzitters van de Samewerkende Tegelse Vastelaovesgezelsjappe (STV) alle veer eur visie op ‘t vastelaovesloze coronajaor.

Foto’s van d’n optoch en ‘t sjtadsdeiltreffe van 2020, make ‘t Oelesjournaal compleet. De gebroekelikken truugkblik van ‘t Oelestrio zal in de reguliere Oeleskrant van volgend jaor verschiéne.

Sjtumme, sjtumme, sjtumme! Bring dien sjtum oét op de Top 33 van Tegele. Welke liedjes wils dow gaer truugk zeen in de enige top-joeksliés van Tegele, Steyl en opoe Hei? De meugs wir 9 liedjes selektere. Doot det uuterlik zaoterdaag 23 jannewarie.

Op zaoterdaag 30 jannewarie make weej ein live oétzending vanoét ôzze sjtudio. Luuster en geneet vanaaf 10.03 oor via www.de3kes.nl, ôzze app of kiék via facebook nao de livestream. 

De nummer 1 van veurig jaor ‘De Luchtepaol’ ken in 2021 gen iërste waere. De vraog is welk liedje deze evergreen geit opvolge?
Sjtum via www.de3kes.nl en haaj same met ôs de Tegelse liedjescultuur laevendig!

De Top 33, wuért mei meugelik gemak door Just Fire Nederland.

Top 33 2021

Aafgeloupe zôndig 20 december is op 97-jäörige laeftiéd aad Oelesprins en aad raod van elleflid Sjtaef Beurskens euverleeje. 

Hae woort in 1973 Oelesprins as Sjtaef-1 ônger eur motto "En nôw: plankgaas“. Same met zien twië  adjudante René Stoffels en Toën Clabbers ging hae de Tegelse vastelaovend in det jaor veur. 

1973 trio

Aansjloétend is Sjtaef hiel get jaore lid van de raod van ellef gewaes en waas hae o.m. veurzitter van de techniese kemmissie-j van D'n Oeles. 

Zoë waas zien kemmissie-j verantwoordelik vur 't bouwe van dekors, optochwages, en 't aanklei-je en versiere van zale. 

Sjtaef is euverleej-je nao ein betrekkelik kort ziekbed.

Weej winse zien femilie-j, vrinde en bekende hiel vuël sjterkte met dit groëte verlees.

D'n Oeles en Tegele verlies heejmei-j 'n fundament in de vastelaoveswaereld en 't sociale laeve.

Vastelaovesgezelsjap D'n Oeles, de Sociëteit Oeles Prinse en de Vereinigde Oeles Adjudante. 

‘t Idee van Vastelaovesgezelsjap D’n Oeles um in 2021 eine Miniatuuroptoch te organisere, krieg  vuël beejval in de media.

Naodét iërder ein oétgebreid artikel in De Limburger versjeen, hebbe now auch Ömroop Venlo en regionalen ömroep L1 belangsjtelling getuënd vur dit ludieke en unieke inisjiatief. Beide tv-zenders gaon woensdaag op de ‘elfde van de elfde’ aandach besjtaeje aan d’n Tegelse Miniatuuroptoch. Ömroep Venlo duit dit in de reguliere niejsoétzending, dae vanaaf 17.30 oor wuërdt herhaold. L1 prissenteert vanoét Remund ein spesjaal carnavalsprogramma beej gelegenheid van de aöpening van ‘t niejje seizoen, wao-in de alternatieven optoch rôngk 13.30 oor aan bod kump. 

Sjtum dus aaf op beide zenders um zoë ein good beeld te kriege van de Miniatuuroptoch en zörg d’r same met de optochtcommissie-j veur dét dit in Tegele nog miër geit laeve!

D’n elfde van d’n elfde is d’n datum wao-op de verkoup van d’n Opsjtaeker anno 2020-2021 van sjtart geit en wal um 11.11 oor. Vg. D’n Oeles had ditmaol de iër um ’t ôntwerp daoveur te laote make. Heejveur woort d’n Tegelse kunstenaer Jos Cremers in d’n erm genaome. ’t Resultaat is wörkelik verbluffend te neume.

Zeker in dees ônzekere tiej-je is de verkoup dan daen Opsjtaeker hiel belangriék vur alle deilnimmende sjtadsdeilvereiniginge. Zoë dus ouch vur D’n Oeles. ’t Is daobeej ein bizôngere oétgave, nôw d’r gen karnavalsaktiviteite waere georganiseerd.

Allein al daorum zulle vuël fervente verzamelaers d’n Opsjtaeker 2020-2021 aan eur kolleksie-j wille aanvulle. ’t Oelesgezelsjap haop vural, det tig vastelaovensvierders de brosj koupe um eur leefde vur de vastelaovend te tuëne, aevenas eur waardering vur de vuële vreejwilligers, die zich daoveur inzette.

Dees unieke brosj is besjtelle in de websjop van D’n Oeles,

Nao ôntvangs van de betaling wuërt dees sjpeld beej uch thoés bezorg of ken die opgehaold waere. Ouch kent ge d’n Opsjtaeker beej diverse winkeliers in Tegele verkriége. Dees verkoupplekke zien: Beurskens Badkamers aan de Bôngerdsjtraot, Bekker Bart, Timmermans Laeze en Sjriéve en Galerie-j Tegele aan de Kerksjtraot en taeves beej Plus Verbeeten aan de Glazenapsjtraot in de wiék Op de Heide.

Geliék angere jaore bedrage de koste 5 euro. Met de aansjaf sjteunt ge de vastelaovesgezelsjappe in Groët Venlo; zoëdet die ouch nao de coronaperikele wir aktiviteite kenne organiseere. 

...

Halverwege oktober werd bekend dat er in Tegelen toch een optocht komt in 2021, de zogenaamde Miniatuuroptocht. De reacties op dit initiatief van Vastelaovesgezelsjap D’n Oeles waren overweldigend en dit geeft aan dat mensen ook in minder leuke tijden met Vastelaovend bezig zijn.

Op de ‘elfde van de elfde’ begint traditioneel het nieuwe Vastelaoves-seizoen. Dit jaar niet met het traditionele Insjete, maar op deze datum start wel de voorbereiding op de miniatuuroptocht. Vanaf vandaag is het mogelijk om optochtkarretjes aan te vragen. D’n Oeles heeft gezien de respons zestig optochtkarretjes laten maken. Deze zijn gratis beschikbaar gesteld door de Tegelse interieurbouwer Leon Clabbers en aan te vragen via de website van D’n Oeles: www.oeles.nl. Op deze karretjes, met een lengte van veertig centimeter, kunnen deelnemers hun idee voor de optocht in het klein uitvoeren. Het is de bedoeling dat op Vastelaovesmaandag de miniatuuroptocht gaat trekken. Op dit moment is nog niet bekend in welke vorm dit gaat gebeuren; het zal vooral afhangen van de dan geldende regels rondom Corona. 

Videoboodschap Oelesvors

Op de site en Facebook-pagina van D’n Oeles zal vandaag een filmpje verschijnen waarin Oelesvors Roy Peters onder meer ingaat op de miniatuuroptocht. D’n Oeles probeert onder andere met het initiatief van de miniatuuroptocht te bewerkstelligen dat de Vastelaovend bij de mensen in Tegelen onder de aandacht blijft en zal dit de komende periode vaker op verschillende manieren blijven doen.