“Ut Sambal”

Dit sjpektakúlaere en spésjié-j-ale fiës is neet miër weg te dingke in Tegele. Op zôndaag 3 maart 2019 zal Vastelaovesgezelsjap D’n Oeles veur d’n twelfde kiër “Ut Sambal” organisere. Dees ediesie-j haet as thema "Sambal on Fire".

Vanaaf 19:30 oor zal fiëspaviljoen Ut Witte Hoés eur deure aöpene um vervolges diverse sjpetterende optraejes oét d'n hood te tovere. Neet de minste artieste zölle namelik nao hertje Tegele aafreize um ”Sambal on Fire” wir te laote oétgreuje toét ein sjpektakelsjtök. D'r wuërd aafgetrap mit de Venlose bènd "Appelemoos". Deze groep jônge artieste is gesjtart in 2012 en hebbe al mennige zaal op de kop gezatte. Dit zeve-tal haet den auch as motto um d’r mit zién alle éin groët fiés van te make. Neet miër weg te dingke op Ut Sambal is Joekskapel Sôkkerpaek en daarom zien zeej auch in 2019 van de partie-j.

Net zoë-as in 2018 zulle Sandor Sturbl en Lily-Jane Young wir van de partie-j zién op Ut Sambal. De Belfeldse Sandor, bekend ls Peter Pan van de geliéknamige musical en tiédes die periode gevallen veur Mary-Jane zien vriendin, deeje vurrig seij-zoen mei aan The Voice of Holland en Mary-Jane haolde daobeej zelfs 't tiém van Ali B. Vervôlges zulle de Badmötse vur d'n  iërste set van dreej optraejes de bühne betraeje op 't Wilhelminaplein. Dees Remûngse formaasié-j viert dit jaor 't tiënjaörig besjtaon en traoj al op in gans Limburg en nôw dus auch in Tegele.

Auch Blerick is van de partie-j tiedes “Ut Sambal”. Vanaf de angere kank van de Maas zal “De Golden Hiering” d'n euversjtap maken nao Tegele. Dees veër manne hebben al dök mei-j-gedaon aan de Blerickse en Venlose leedjesaovend en wiste al versjillende kiëre as winnaar nao hoés te gaon. Nao de twië-j-de set van de Badmötse zal het trio Annemarieke, Kristel en Roel probere um 't publiek nag miër op te werme. Auch zeej zién gèn ônbekende op de Vastelaovesbühne aangezeén zeej de letste twiëje jaor deilnaome aan Opus Jocus, de Venlose leedjesaovend, en woorte in 2017 twiëde en in 2018 eindigde zee-j as zesde.

“La Bamba” behuërt inmiddels auch toet de harde kern van artieste die tiédes de Vastelaovend in gans Limburg optraeje. Dees twiëje manne oét Mofert zien vaste deilnimmer aan het Limburgs Vastelaovesleedjes Konkoer (LVK) en woord in 2013 zelfs winnaar met 't nummer “Laef, Limburg laef!”. “La Bamba” haet dus genôg ervaring um Ut Witte Hoés op de grongkveste te laote trille en daonao zulle de Badmötse veur de derde en letste kiër optraeje.

De letste twiëje artieste van dit superleuke evenement zién aafkômstig oét Tegelen zelf. As veurletste zal “Serpetinus Willum” optraeje. Achter deze DJ geit Job Willemsen sjuël (in ‘t jaor 1996 jeugdprins van D’n Oeles) en hae haet as sjlogan “Dé Vastelaoves-dj van Limburg!”. Wat zeker is dat hae 't publiek zal laote mei neme in zién entoésiaste meneër van plaetjes drei-j-e.

't Oéteindelikke sljoétakkoord is veurbehaje aan 't duo Sandra en Marco. 't Is veur het Tegels-Venlose duo neet veur 't iërs det zee-j present zien op “Ut Sambal” en zulle d'r veur zôrge dat toet aan 't letste moment ‘t witte paviljoen op de kôp sjteijt. En det geit ziër zeker lökke.

Môch-se 't ôngertösse al werm hebben gekrege en 't nag  wermer wilt hebbe, dan kên-se kaarte vur “ Sambal on Fire” veur 11 Euro per stök kaupe bee-j Plus Verbeeten op de Hei en beej Bakker Bart in het centrum van Tegele. Weej wille ûch gaer 'nne super aovond bezörge.

D'n entree-j  is vanaaf 16 jaor! En det alles Umdet Tegele ôs leef is…… Veur miër info raodpleeg de websait van “Ut Sambal” (www.utsambal.nl) of de Feesbook-pagina van “Ut Sambal”.


Aangesjlaote beej

Logo SLV nieuw 

Winkelmendje

De winkelwagen is leeg

Volg ôs