Nieje Oeles-vors

Oelesvors Gé Cornet haet ônlangs binne ’t besjteur te kenne gegaeve, det hae zien funksie-j as Vors van Vastelaovesgezelsjap d’n Oeles per ’t seizoén 2019-2020 neer legk.

Hae zal dees veurtrekkersrol in de Vastelaovend den 9 jaor met vuël passie en toewijding hebbe oétgeoefend. Zoë-as Gé is, gif hae aan den de waeg vreej te wille make vur eine niej-je persoën ten behoeve van dees enorm gewaardeerde en sjitterende posisie-j.

Gé is bizônger geleef binne én boéte de vereiniging en weej zulle haopelik nag lang op ein angere wiéze van zienen enthoesiasten inbring en doorzettings-vermeuge binne de vastelaovend kenne geniete. Veuralsnog geit-e vol enerzjie en plezeer zien letste seizoén as vors tegemoet.

’t Besjteur, waovan Gé ôngerdeil oétmak, is op zeuk gegaon nao eine waerdigen opvolger.
We kenne den auch vol trots vertelle, det maondaag 15 juni jl. in de vergadering van de Raod van Elf, Roy Peters unaniem is gekaoze toet Oelesvors m.i.v. ’t seizoén 2019-2020.
Hae wuërt den taeves veurzitter van dae wiéze raod en van de prinskem-missie-j.
Roy is erg veriërd um vur dees rol gevraog en oéteindelik gekaoze te zien. Hae zuut dit as ein oétgelaeze kans um zien loupbaan binnen d’n Oeles = nao jaorelange deens beej de Raod van Elf, tig kemmissie-js, as seremoniemeister en as Prins in 2017 = op ein miér den oétdagende wiéze veurt te zette. Weej hebbe d’r vuël vertrouwe in en Roy haet d’r nôw al hiel vuël zin in.

Netuurlik kômme we op deze Vorstewissel nag oétgebrei-jd truuk.
Vur nôw winse we allebei dees hiëre vuël plezeer en suukses toe vur ’t kômmende vastelaovesseizoén.


Kijk voor info ook op www.oeles.nl of via Facebook vg.dnoeles

  

Winkelmendje

De winkelwagen is leeg