Opgerich op 11 mei 2001 en gesjtart met 11 leeje die toen allemaol vraemde van mekaar ware. Ôngertösse is de kepèl gegreüjd toet 22 muziekmaekers die ‘nnen hechtem bangk met elkaar vorme.

Dees kepèl is nauw verbônge met moodervereiniging Vastelaovesgezelsjap D’n Oeles. Det wilt neet zegke det de kepèl beej alle optraejes van Vg. D’n Oeles aanwezig is (of zoel môtte zien). In good euverlegk met mekaar wuërt jaorliks ’t programma vasgesjteld. De samewerking, die Vg. D’n Oeles met angere Tegelse kepèlle haet, wuërt volop gerespecteerd. ’t Sjteit de kepèl vreej eige optraejes te regele en die môtte zich wir neet biéte met ’t programma van de moodervereiniging.

Door ’t jaor haer wuërt d’r op de dônderdigaovend gerepeteerd in Kefee de Aaj Mert van hallef nege toet hallef ellef, ônger leiding van Stan Siebgens. Aansjloétend sjteit ’t idderein vreej nag ein glaeske te drinke.

Daor naeve wuërt d’r vanoét de kepèl zellef van alles geregeld en/of georganiseerd, um d’n ôngerlingem bangk te versjterke. Zôngermiër meug ’t jaorlikse bezeuk aan de wiénfiëste in Pruuses en ’t bezeuk aan de körsmerret in Kölle ’n hoëgtepunt genump waere.

Vanaaf d’n ellefde van d’n ellefde brik d’r ’nnen drökken tíed aan. Toet en met vastelaoves-dinsdig zien d’r gemiddeld zô’n 15 optraejes.

De kepel haet ’n eige besjteur met de volgende taakverdeiling:
Penningmeister : Fianne Koch
Secretaris : Jean Denessen
Dirigent/besjteurslid : Stan Siebgens
Besjteurslid : Peter Meijboom

Kemmissie OTB : Paul Hoeijmakers
Besjermhiër : Cor Jansen


Heb geej vraoge of wilt geej miër weite euver ôs kepèl, den kent geej beej ein van dees dree persoëne terech. Of kiék op: www.tegelsblood.com

Oeles kepel Tegels Blood