Oelesliedje

Hulde aan D'n Oeles

Wat waas den tied toch vruuger good
Wie den oeles waas in zwang.
Werk waas ter toen in euvervlood
Me kènde gènne dwang.
Kwaam me 's aovends van zien werk
Den sting den Oeles klaor.
Ze oote al oet eine pot
Det veel oos gaar neet zwaor.

Refrein:
De zörg aan de kank, den Oeles hoëg
En now èns klink gelach!
Och Oeles, waoröm hebbe weej
Zoëlang op dich gewach!

De aerd, oos prachtig Tegelsch gold
Dankt den oeles zien bestaon
En is van prima kwaliteit
De waereld in gegaon.
In de Oudheidskamer op de Hei
Woë Oelese oug staon
Dao kan me veur ein döbbeltje
Um ens bekieke gaon..

Jao Oeles, stols zien weej op tich
Al bös ze oug van drek
Doow kries dees daag de iereplaats
As vastelaoves gek
Tegelsch volk, weej winsche uch
Eln reuze groët plezeer
En drink veural mèt Carnaval
Eine flinken Oeles Beer.


Muziek  : Jo Eijsermans
Wörd  : Sjeng Verkoelen
Bekroënd in 1937 (Orsjinele teks)

Downlaode: Den Oeles Hoëg

Dees versie is te vinge op:
CD19 Vastelaovend in Tegele 2002/2003
Te gek öm los te loupe
met zang van 't Oeles Koèr.