D'n Opstaeker™ 2012 een ontwerp van Har van der Linden

D'n Opstaeker™ 2012 een ontwerp van Har van der Linden

“D'n Opsjtaeker™” 2012, ’n ôntwerp van Har van der Linden

De Belvendse kunstenaer Har van der Linden haet vur de kômmende vastelaovend 'd’n Opsjtaeker-2012' ontworpe.
Namens CV. de Belhamels óet Belvend had voorzitter Bert Nabben dit jaor de iër um ‘nne kunstenaer veur te drage óet naam van alle viéf de sjtadsdeilvereiniginge.

Vur Van der Linden waas ‘t ein groëte verrassing, det de veurzitter van de Belhamels úm vroog.

“Ich ving ‘t ein bizôngere iër um vur alle vastelaovesvierders in de gemeinte Venlo “d’n Opsjtaeker” te meuge ôntwerpe.
Dao bön ich hiel erg trots op”, zaet de kunstenaar. “Ich bön dezelfden aovond begôs met ‘nne gas ôntwerpe.
Daonao bön ich de sjetse gaon óetwerke. In totaal heb ich d’r viéf gemak”.

Óeteindelik hebbe Jocus, de Wortelepin, d’n Oeles, de Belhamels en de Keieschiéters unaniem gekaoze voor éin ôntwerp.
“Det zou ik zelf ouch gekaoze hebbe”, zaet Van der Linden trots.
“Het is een sjpontane ‘vastelaoves-sjnóet’ die opgebouwd is óet de beginletters van de viéf sjtadsdeile van de gemeinte Venlo
en symboliseert de samewerking tösse de aevezoëvuële sjtadsdeilvereiniginge.

De figuur lach vur inkele daag alle zorge weg. Hae viert vastelaovend zoë-as ‘t huërt,
met vuël ‘joeks en jen’ um daonao de hektiek en sjtress van alle daag te kennen trotsere”,
zoë sjprik de Belvendse sjilder. ”D'n Opsjtaeker™” is ‘n saort brosj, die sjteit vur ‘n dreejtal zake;
einem bliék van waardering vur de vuële vreejwilligers, die tig vastelaovesaktivi-teite organisere in Venlo, Bliërick, Tegele, Belvend, Aarse en Velde;
einem bliék van betrokkenheid met de 'vastelaovend' en eien finansjelen op-sjtaeker voor alle vastelaovesklöps in dees regio.
De viéf sjtadsdeilverei-niginge van “Groët-Venlo” haope det de inwoëners, net as alle veurgaonde jaore,
wir massaal dees vastelaovesbrosj zullen koupe, um daomei-j de vastelaovesaktiviteite van de diverse vereinigiginge te ôngersjteune.
Har van der Linden, van 3 maart 1943, is gebaore en getaoge in Belvend. Hae is altiéd hiel aktief gewaes met vastelaovend.
“Netuurlijk heb ik mei-jgedaon met de Belvendse optoch, heb ouch wages gesjilderd.
Maar ich bön taeves zjuurielid van d’n optoch gewaes. Ich heb zellefs ‘n paar kiër einem buut gemak”.

In 1984 woort Van der Linden óetgerope toet Prins Carnaval.
Ouch is-se rúum tiën jaor veurzitter gewaes van de aad-prinsevereiniging.
“Vur mich is vastelaovend ein neet miër weg te dinke volksfiës, wao-se gezellig met idderein kens kletse en zinge”.

Vander Linden is altiéd maatsjappelik betrokke gewaes.
Hae waas jaorelangk wethouder in de Belvendse gemeinteraod en zellefs nag ein tiedje locoburgemeister.
De vurmalige programmeur van Océ- van der Grinten zaet noëts te hebbe gedach um te gaon sjildere.
“Det ich dao-aan begôs bön, is puur toeval. Ich bön lid van ein kaegelklöp, die regelmaotig angere aktiviteite organiseert.
Op die meneër heb ich kennis gemak met Gerda van der Sterren (Opsjtaeker-2010, red.)
wao we tiën aquarellesse krege. Ich vông det zoë sjoën, det die tiën lesse, veer jaor woorte.

Daonao heb ich nag les gehad van Bob Tomanovic in Leiden”.
Van der Linden sjildert vurnamelijk symbolische werke met ein zoëge-naamde “naat in naat´aquarelleertechniek
in aolie glaceertechniek”.

Beej naat in naat ôntsjteit een saort ´gesjteurde sjpontaniteit´, zoëdet ‘t werk ein neet van teveure vasgestelde vorm zal kriége.
Naeve symbolisch sjildert Van der Linden ouch abstrak, figuratief en realisties.
Werke van úm hange in ônger miër Nederland, België, Duitsland, Enge-land, Rusland en Canada.

Har van der Linden is einen echte laatbleu-jer, dae zaet det ‘t sjildere miër is den ein hobbie-j.
“Vur mich is sjildere ein obsessie…. ein obsessie wao ich mich erg good beej veul”.
Miër informasie-j euver Har van der Linden is te vinge op www.harnaderlinden.nl.

Voor verdere informasie-j kent-ge uch richte toet d’n hiër Mat van Rhee, Jocus P+P-kommissie-j.
Meel: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.