Banner_dansgarde2
Bestjeur_15112014_banner
Rv11_ 15112014_banner

In memoriam Dré Geraeds.

Dinsdig 18 juni j,l is de hiër Dré Geraeds gans plotseling euverleeje.

Dré Geraeds waas eine mins dae ôntiegelik vuël vur de Tegelse vastelaovend en
D’n Oeles in ’t biezônger gedaon haet.
Zoe haet Dré samen met Piet van Bree in de jaore 80 van de vurrige iëuw
tientalle Oelesrevue’s gesjreve qua teks as meziek.
Dees Oelesrevue’s ware in de ganse provinsie en umsjtreke ziér bekend.
Daonaevebeej haet Dré Geraeds auch miér den 100e Limburgstalige as
vastelaovesliedjes gesjreve vur Tegele en wiét d’r boéte.
Wae ken neet ’t liedje “Jao dét is Tegels” óet de legendarische Oelesrevue van 1981?
En liedje det toet op de daag van vandaag nag sjteeds gezônge wuërd.
Dinsdig 25 juni is de óetvaart van Dré Geraeds, ein markante persuunlikheid
dae lol en plezeer met houfletters sjreef.

Weej zulle Dré in ôs herinnering blieve herdinke